श्रीगोंदा : रयत शिक्षण संस्थेच्या महादजी शिंदे विद्यालयात मा. जिल्हाधिकारी कार्यालय अहिल्यानगर यांच्या आदेशाने सहा. मतदार नोंदणी अधिकारी श्रीगोंदा विधानसभा मतदार संघ तथा तहसीलदार श्रीगोंदा यांचे कार्यालय श्रीगोंदा आणि गटशिक्षणाधिकारी, पंचायत समिती श्रीगोंदा यांच्या संयुक्त विद्यमाने राष्ट्रीय मतदार दिनाच्या अनुषंगाने निबंध व कथाकथन स्पर्धांचे आयोजन करण्यात आले होते. याचाच भाग म्हणून १८ वर्ष पूर्ण केलेल्या नवतरुण मतदारांचा मतदार यादीत समावेश करणे व त्यांचा मतदान प्रक्रियेत सहभाग वाढविणे हा मुख्य उद्देश सफल करण्यासाठी इयत्ता पाचवी ते आठवी व आठवी ते १२ वीच्या विद्यार्थ्यांसाठी निबंध व वक्तृत्व स्पर्धेचे आयोजन करण्यात आले होते. निबंध स्पर्धेत लहान गटात जामदार पृथ्वीराज सागर प्रथम, कापसे आदिनाथ गजानन द्वितीय तर खामकर अजिंक्य शरद तृतीय आला. मोठ्या गटात पोटे पायल महादेव प्रथम, वाडेकर साक्षी मारुती द्वितीय तर व्यवहारे ओम तुळशीराम तृतीय आला. कथाकथन स्पर्धेत लहान कार्तिकेय संदीप खेतमाळीस प्रथम, श्रवण शहाराम येरकळ द्वितीय तर विक्रांत सतीश दरेकर तृतीय आला. मोठ्या गटात धोंडे निशांत नवनाथ प्रथम, वैष्णवी जगताप द्वितीय तर वाडेकर साक्षी तिसरी आली. वक्तृत्व निबंध स्पर्धेसाठी मंजुश्री चोथे तर कथाकथन स्पर्धेसाठी ग्रंथपाल धनंजय देशमुख यांनी मार्गदर्शन केले. यावेळी विद्यालयातील यशस्वी विद्यार्थ्यांचा सत्कार प्राचार्य दिलीप भुजबळ, पर्यवेक्षक भाऊसाहेब गदादे, सुधीर साबळे, विलास लबडे, विलास दरेकर यांच्या हस्ते करण्यात आला.
